Gelato-maker / Produksietoesighouer

Gelato-maker / Produksietoesighouer

Babylonstoren is op soek na ’n bekwame, praktiese gelato-maker om verantwoordelikheid te neem vir die daaglikse bestuur van ons gelato-produksiefasiliteit. Die ideale kandidaat het ’n passie vir die vervaardiging van gelato van uitstekende gehalte, sterk leierskapsvaardighede en die vermoë om ’n skoon, doeltreffende en goed georganiseerde produksieomgewing te handhaaf.

Verantwoordelikhede:

• Vervaardig gelato en sorbet van hoë gehalte volgens vasgestelde resepte en gehaltestandaarde.
• Help met die ontwikkeling en toetsing van nuwe geure.
• Bestuur die daaglikse bedrywighede van die produksiefasiliteit, insluitend produksiebeplanning, voorraadbeheer en die bestel van bestanddele en verpakking.
• Hou toesig oor produksiepersoneel en verskaf opleiding om konsekwente gehalte en doeltreffende werkprosesse te verseker.
• Verseker dat alle personeel die voorgeskrewe higiëne-, voedselveiligheids- en gesondheids- en veiligheidsprosedures nakom.
• Bedryf en maak gelato-toerusting skoon, insluitend lotvriesers, snelvriesers en vertoonkaste, en verseker dat dit behoorlik onderhou word.
• Hou akkurate produksie-, temperatuur- en higiënerekords by.
• Bestuur die daaglikse bedrywighede van die gelato-Tuk-Tuk, insluitend voorraadbeheer en personeeltoesig.

Vereistes:

• Minstens drie jaar se bewese ondervinding in gelato- of roomysproduksie.
• Minstens drie jaar se ondervinding as toesighouer of spanleier in ’n voedselproduksieomgewing.
• Goeie kennis van voedselveiligheids- en higiënestandaarde. Kennis van HACCP sal voordelig wees.
• Sterk beplannings-, administratiewe en organisatoriese vaardighede.
• ’n Praktiese ingesteldheid en goeie aandag aan detail.
• Betroubaarheid en die vermoë om onafhanklik te werk en verantwoordelikheid te neem.
• Goeie kommunikasievaardighede in Afrikaans en Engels.
• Eie vervoer en ’n geldige rybewys sal voordelig wees.